நீர் எந்தன் மேய்ப்பரே! – தினசரி தியான புத்தகம் 2026

நீர் எந்தன் மேய்ப்பரே!

பழைய ஏற்பாட்டுக் காலங்களில் தேவ மனிதர்கள் தேவனை ஒரு மேய்பனோடு ஒப்பிட்டு நம்பிக்கையுணர்வை ஏற்படுத்துவதை அதிகமாகப் பார்க்க முடியும். மேய்ப்பன் என்பவன் தங்களின் தேவையைத் தாங்களாகச் சந்தித்துக் கொள்ளும் திறனில்லாத எளிய இயற்கையைக் கொண்ட ஆடுகளின் எல்லாத் தேவைகளையும் கரிசனையுடன் சந்திக்கும் ஒரு வேலையைச் செய்கிறவன். கர்த்தராகிய இயேசு கிறிஸ்துவும் தம்மை நமக்கு நல்ல மேய்ப்பனாக அறிவித்தார். ஒவ்வொரு நாளும் நமக்கு இன்னது தேவை என்று அறிந்துள்ள கர்த்தர் அவைகளை நாம் பெற்றுக்கொள்வதற்கேதுவானப் பாதைகளில் தம்முடைய வார்த்தைகளினால் வழிநடத்துகிறார். ஒவ்வொரு நாளும் நாம் எந்தெந்த விதமாக தேவ. ஆவியால் நடத்தப்பட்டால் நம் தேவைகள் சந்திக்கப்பட்டு நாம் நம்பிக்கையோடு வாழ்க்கை பயணத்தில் முன்னோக்கிச் செல்ல முடியும் என்பதை இந்த தியான நூலை வாசிக்கும் எவரும் எளிதாக அறிந்துக் கொள்ள முடியும். இந்த தியான நூல் உங்களுக்கு பாதுகாப்புணர்வைத் தருகின்ற ஒரு நல்ல மேய்ப்பனைக் குறித்து மிக மிக நல்லச் செய்திகளைக் கொடுக்கும்.

ஆசிரியரை பற்றி

வழக்குரைஞராக பணி புரியாவிட்டாலும், சட்டப்படிப்பு கற்று பட்டதாரியாகிய இவர், இறையியல் சம்பந்தமான எந்த கல்விச் சாலைக்கும் செல்லாமல், கர்த்தரிடம் அநேக ஆண்டுகளாக கற்றறிந்தப் பாடங்களை ஆயிரக்கணக் கானோருக்குக் கொண்டு செல்லுகின்றார், கடந்த 28 வருடங்களாக ஆண்டு தோறும் இவர் வெளியிட்டு வரும் புதிய புதிய தினசரி தியான நூல்கள் எந்த அளவிற்கு இவரை கர்த்தர் புடமிட்டுப் போதித்து அவரை அறிகிற அறிவில் வளர்த்திருக்கின்றார் என்பதை பறைசாற்றுகின்றன. மாதந்தோறும் ஜீவநீரோடை என்ற மாத இதழை வெளியிட்டுவரும் இவர் சமார் 80 புத்தகங்களை எழுதி வெளியிட்டுள்ளார். சமூக ஊடகங்கள் வழியாக இவருடைய ஊழியங்களைப் பல்லாயிரக்கணக்கானோர் பயன்படுத்துகின்றனர்.